Kinder werdet i farbige Tücher uf em Rucke treit
Mir hend do in Bolivie ganz viel frischpresste Orangesaft trunke, hmmm
Do sind mir en Markt go aluege, do hets ganz viel Gmüse wos i de Schwizz nöd git.
Uf dem Markt, hends ihre Trachte agha, luschtigi Hüet
Do sind mir uf em gröschte Salzsee, überall isch es wiss, voll Salz
Mit dem Jeep sind mir ganzi 3 Täg underwegs gsii, do hends grad müesse en Reife wechsle. Wills grad es Loch geh het, mir sind halt über Stock und Stei gfahre
Und do hend mir Kaktusinsle bsuecht, die isch zmitzt uf em Salzsee gsie. Die Kaktus sind zum Teil über hundert Johr alt
Und do hets sich alles gspieglet uf em Salzsee, da het uhh schön usgseh.
Au verschiedeni Tier hend mir gseh, gseht fascht us wie en Hase.
Eimol hend mir immene Salzhotel gschlofe, do isch alles us Salz gsie, au üssi Bett.
Da chline Lama hets sich grad versteckt
De See het im Sunneliecht grüenlich gschimmeret.
Do hend mir ganz viel Flamingos gseh. Die sind natürli alli grad devo gfloge wo mir id nöchi cho sind.
Do sind mir inne Berg gstiege ( Miene) dött schaffet ganz viel Lüüt. I dem Berg hets ganz chlini und engi Gäng, damit mir nöd de Kopf aschlönd hend mir en Helm übercho.